Home

BSS ARUSHA GUMZO NI MAJAJI ZAIDI YA WASHIRIKI

Leave a comment


Majaji wa shindano la BSS wakiwa katika ukumbi wa Triple A tayari kwaajili ya usahili wa kuwasaka washiriki wa shindano hilo kwaajili ya kuwakilisha Mkoa wa Arusha katika shindano litakalofanyika jijini Dar es Salaam, kutoka kushoto ni Master J, katikati Rita Paulsen na Salama Jabir

Washiriki wa shindano hilo wakisubiri kuingia ndani kwaajili ya Usahili wakiwa wameketi katika viwanja vya Triple A jijini Arusha

Kushoto ni Afisa Masoko kampuni ya simu ZANTEL kanda ya kaskazini Bw.Melitus Kimolo akizungumzia juu ya suala la uchangishaji damu ambapo yeye mwenyewe alichangia damu,,zoezi ambalo lilikuwa pia likiendelea katika viwanja hivyo,,,,Kulia ni Mkurugenzi wa Masoko Bw.Deepak Kumar Gupta

Daktari akiwa anamtoa damu kijana aliyejitokeza kuchangia damu kwa hiari

source:father kidevu

Mb Dog arudi kwa kishindo, aachia ngoma mpya na kufungua studio

1 Comment



Baada ya kupotea kwa muda mrefu kwenye ramani ya muziki, hatimaye Mb Dog amevunja ukimya kwa kuachia wimbo mpya uitwao ‘The Only One’ alioufanya kwenye studio yake mwenyewe aliyoifungua hivi karibuni, Makopa Inc.
Msanii huyo aliyetamba zamani na kibao ‘Latifa’ amesema kwa muda mrefu alikuwa akifanya mambo yake nchini Ujerumani na sasa ameamua kurudi kwenye game.
Katika mazungumzo ya simu aliyofanya na Bongo5, Mb Dog amesema hana wasiwasi kuwa ataishika tena mioyo ya wapenzi wa muziki wa Tannzania kwakuwa haoni kipingamizi na muziki haujabadilika sana.
“Navyoona najua muziki umechangamka katika njia zake, lakini sio kwamba watu wamebadilika kuimba na muziki utafanyika vile vile kama watu walivyozoea kuusikia, sema tu katika kuanzia kuna harakati zitakuwa tofauti muda mfupi wakati nikitulia kwasababu muda mrefu nilikuwa sijajihusisha na haya mazoezi kwasababu ya mambo yangu binafsi,” alisema.
Aliongeza kuwa ujio wake mpya unaweza kuwa zaidi ya Latifa, “hilo ni miongoni mwa mawazo niliyonayo kwasababu sijaona kama kuna vitu tofauti vinavyofanyika labda vya chinichini ambavyo sivifahamu, lakini kimuziki tu naona uko kawaida na ntafanya vizuri zaidi ya hata hivyo.”
Mb Dog amesema hajamsahau P-Funk Majani ambaye ndiye alimtambulisha kwenye muziki wa Tanzania kwa kumtengenezea hit ya Latifa. “Ujue yeye ndo kama father kwenye muziki huu, ni mtu ambaye akinifanyia kazi anatumia nguvu nyingi sana lakini sasa nimerudi, nimefanya hii ngoma mwenyewe sasabu yeye pia ana kazi nyingi, lakini kwasababu muda upo lazima niende pale kupiga ngoma mbili tatu watu waziskie kutoka pale. Katika albam yangu kuna watu muhimu kama yeye hawawezi kukosa kunipigia nyimbo.”

source:bongo5

Irene Uwoya amgeuzia kibao Flora Mvungi

Leave a comment


Vita vya maneno kati ya waigizaji wa filamu nchini Flora Mvungi na Irene Uwoya jana vimechukua sura mpya.
Wiki iliyopita tuliandika habari kuhusiana na Flora kutofurahishwa na kitendo cha Irene kuongea na vyombo vya habari na kusambaza shutuma kuwa mpenzi wake wa zamani H.Baba hajui mapenzi.
Jana Irene Uwoya aliongea na Clouds Fm na kusema Flora na H.Baba wamemchokoza.
Alisema yeye pia anamshangaa Flora kwa kupakaza maneno kuwa aliongea na magazeti ‘kumvua nguo mpenzi wake wa zamani H’Baba kuwa ni zezeta kitandani kitu ambacho alikanusha kukisema.
Irene alisema kwanza anamuona Flora ni mshamba na kumfananisha na ‘vocha’ na kamwe sio saizi yake.
Aliongeza kuwa yeye si mtu wa kutembea na H.Baba na kudai kuwa wako pamoja na Flora kwakuwa wote ni washamba na wote amewafananisha na vocha.
‘Sasa leo nasema kuwa kweli H.Baba hajui mapenzi, hana lolote, ni tegemezi na simtaki,alisema.
Akiongea kwa jaziba, Irene aliongeza kuwa yeye yupo level zingine na anawadharau wapenzi hao.

Flora Mvungi amkingia kifua H.Baba dhidi ya madai ya Irene Uwoya

Leave a comment


Frola Mvungi.

Baada ya mrembo na muigizaji wa filamu nchini Tanzania,Irene Uwoya kuliambia gazeti la Baabkubwa kuwa katika wanaume ambao hawezi kurudiana nao, H.Baba ni wa kwanza kwasababu ni ‘mchovu’ kitandani, mpenzi wake mpya Flora Mvungi ameibuka kujibu shutuma hizo.
Kupitia Clouds Fm jana, Flora amesema anamshangaa Irene kwa madai hayo, na kusema kuwa H.Baba humpagawisha kwa an ‘earth shaking and mind-blowing sex’ na huenda yeye (Irene) alikuwa anadate na H.Baba mwingine.
Flora amesema katika uhusiano wote na msanii huyo wa Bongo Flava amekuwa akiridhishwa na wala haoni hayo anayoyasema Irene.
Ameongeza kuwa anachojua yeye ni kuwa mapenzi ni kusikilizana na kuzungumza,kuheshiamiana,kujaliana na mwisho kabisa suala la kitandani ndio hufuata ambalo hata hivyo mzee wa ‘Mpenzi Bubu’ analimudu vyema.
Muigizaji huyo pia amesema anashangaa kwanini Irene ameendelea kuongea sana kuhusu mpenzi wake wa zamani H.Baba wakati kila mmoja ana maisha mapya na mpenzi mpya.
Amesema hafurahishwi na tabia hiyo ya Irene ya kumsema na kumzushia scandal H.Baba ambaye huwa hapendi kuzungumza mambo hayo hadharani, tena kwenye vyombo vya habari.

source:bongo5

Chris Brown alaumu media (vyombo vya Habari)

Leave a comment




STAA Chris Brown amesema vyombo vya habari vimekuwa vikipotosha ukweli kuhusu ugomvi uliotokea hivi karibuni kati yake na rapa Drake.
Brown alisema vyombo vya habari vimekuwa vikielemea upande mmoja bila kutaka kuchunguza ukweli wa ugomvi huo.
“Ninasikitishwa na jinsi vyombo vya habari vinavyoripoti hili jambo, hakuna anayejua ukweli wa ugomvi ule zaidi yangu mimi na Drake, kwanini hamuulizi mnaandika tu?” Alihoji Brown katika mtandao wa twitter.
Pamoja na kuvilaumu vyombo hivyo, pia anamtupia lawama, Drake, kuwa ndiye aliyeanzisha ugomvi huo kwa kurusha chupa hewani.

Utabiri TB Joshua Matatani

Leave a comment


Bingu Wa Mutharika


Chama tawala cha zamani cha nchini Malawi, DPP, kinashinikiza ufanyike uchunguzi dhidi ya mhubiri maarufu wa Nigeria, TB Joshua kutokana na kifo cha rafiki yake rais wa zamani wa Malawi, Bingu wa Mutharika.

TB Joshua


Katika ripoti iliyoandikwa kwenye gazeti la Nyasa Times, rais Joyce Banda alitangaza kufanyika kwa uchunguzi kuhusiana na kifo chenye mzozo cha kiongozi huyo wa zamani April 5, yakiwemo matibabu aliyoyapata.
TB Joshua alitabiri kifo cha Mutharika huku rais huyo mpya wa Malawi akiwa pia mtu wa karibu wa ‘nabii’ huyo kama ajiitavyo.
Msemaji wa chama cha DPP Nicholas Dausi, amesisitiza kuwa TB Joshua anatakiwa aulizwe maswali. Kifo cha ghafla cha Mutharika April 5 kilitokea miezi miwili kabla ya tarehe hii ambapo TB Joshua alisema rais wa Afrika atakufa baada ama ndani ya miezi miwili.

“Lazima tujue ni jinsi gani huwa anatabiri mambo” Dausi ambaye ni mbunge wa Mwanza Central aliliambia bunge la Malawi.
Dausi alitoa wito wakati akichangia bajeti ya nchi hiyo kuwa wananchi wa Malawi wapuuzie tambo za baadhi ya TV kama Emmanuel TV na TB Joshua kuwa walijua kutatokea kifo cha Mutharika.

source:bongo5

Matarajio ya kupata mshindi kutoka Tanzania katika mashindano ya Tusker Project Fame msimu wa tano jana yafikia ukingoni

Leave a comment


Matarajio ya kupata mshindi kutoka Tanzania katika mashindano ya Tusker Project Fame msimu wa tano jana yamefutika rasmi baada ya mshiriki aliyekuwa amesalia kutoka Tanzania kutoka.
Damiani Innocent Mihayo alifungasha virago jana baada ya jitihada zake za kuonesha kuwa aliingia kwenye probation kwa bahati mbaya kugonga mwamba. “Damian is Good…Bad choice ya nyimbo aliyoimba,he also lacks star quality,” aliandika mfuatiliaji mmoja wa mashindano hayo.
“Huyu jamaa (Damian) like two weeks ago alichemka mistari ya Ali Kiba, shame! Aaaa project fame alikua Lina, Msechu na kidoooogo Aneth, yaani hata Hemedi namsifu, he knew how to play the game. Ndo makosa tunafanya hata BBA. Watu kama Hemedi au hata Wema ni watu wanajua kucheza na ni rahisi watanzania kutoa support. Hilda na Julio ppphhheeeew,” aliandika mwingine aitwaye Yvonne kupitia Facebook.
Kutokana na kutolewa kwa Damian sasa watanzania watabakia kuwashuhudia tu washiriki kutoka Uganda, Kenya, Sudan Kusini, Rwanda na Burundi katika shindano hilo. Katika hatua nyingine wiki hii Universal Music Group (UMG) imeingia mkataba na shindano hilo ambapo itamsimamia mshindi wa mwaka huu. Pia itasimamia kurekodi albam ya pamoja ya washiriki kumi bora wa mwaka huu.

Older Entries

%d bloggers like this: