Home

ALICHOKIANDIKA JOSE CHAMELEONE KUHUSU ERICK SHIGONGO KUENDELEA KUISHIKILIA PASSPORT YAKE.

Leave a comment


Kama kumbukumbu zako zipo fresh, muda mfupi baada ya Jose Chameleone kumaliza show yake Uwanja wa taifa July 7 2012 na kufanya kama walivyokubaliana kwenye mkataba, siku mbili baadae stori gazetini ziliandikwa kwamba mwimbaji huyu staa wa Uganda ameshindwa kurudi kwao kutokana na Passport yake ya kusafiria kushikiliwa na Eric Shigongo C.E.O wa Global Publishers walioandaa show hiyo kutokana na kumdai pesa ambazo ilidaiwa alishawahi kulipwa kipindi cha nyuma kuja kufanya show Tanzania lakini hakutokea.
Pamoja na hati yake ya kusafiria kuzuiliwa na Erick Shigongo, aliweza kusafiri kurudi kwao… sasa baada ya kuwa kimya kidogo…… hiki ndicho alichoandika kwenye ukurasa wake wa facebook kuhusu hiyo ishu.
Kwa ufupi ni kwamba Jose Chameleone amemlalamikia Big Boss Erick Shigongo kuhusu kuendelea kuishikilia Passport yake wakati meneja wake Chemeleone hakuhusika kuchukua hizo dola za Kimarekani 3500 zinazodaiwa kupokelewa na Meneja wa Chameleone kwa ajili ya show iliyopangwa siku nyingi kidogo.
Chameleone amesema aliporudi Uganda alifanikiwa kumkamata na kumpeleka polisi George, mtu ambae ndio anadaiwa kuzichukua hizo pesa akijidai ni meneja wa Chameleone lakini baadae akaachiwa huru ambapo baada ya kuona hivyo ilibidi Chemeleone aende kwa balozi wa Tanzania Uganda ili kupata msaada lakini hakufanikiwa.
Amesema wakati passport yake ilipozuiliwa na Erick Shigongo alikwenda kwenye ubalozi wa Uganda Tanzania na ndio uliomsaidia kumpa Document zilizomuwezesha kurudi nyumbani, kwa sasa amepata mialiko ya shows South Africa, England, Belgium, Norway, Sweeden, Canada n.k lakini hajui itakuaje na anahitaji ushauri kuhusu Erick Shigongo ambae ameshikilia Passport yake kwa zaidi ya mwezi mmoja.

source:millardayo

HAWA NDIO WACHEZAJI WA SIMBA KOCHA ALIOSEMA HARIDHISHWI NA VIWANGO VYAO.

Leave a comment


KOCHA Mkuu wa Simba Milovan Cirkovic amesema kikosi chake hakipo imara katika kiwango kile anachokihitaji kwa ajili ya Michuano ya Kagame ambayo timu nyingi zinajiandaa vizuri.
Wachezaji ambao viwango vyao havijamridhisha ni Haruna Moshi ‘Bobani’, Mwinyi Kazimoto, Juma Nyosso na Amir Maftar na hivyo amepanga kuwapa mazoezi kuwarudisha kwenye line.
Simba inatarajiwa kucheza mechi yake ya kwanza Jumatatu ijayo na URA ya Uganda saa kumi jioni na mchezo mwingine utapigwa kati ya Villa Club na Ports saa 8:00 mchana kwenye Uwanja wa Taifa. (Stori imeandikwa na shaffihdauda.com)

SIMBA SC YAIBUKA MABINGWA WA KOMBE LA URAFIKI.

Leave a comment


Waziri asiye na Wizara maalum Zanzibar Mh. Machano Othman Said akimkabidhi kombe la ubingwa wa michuano ya Urafiki nahodha wa timu ya Simba Juma K. Juma mara baada ya timu ya Simba kuifunga timu ya Azam FC magoli 5-3 kwa penati, baada ya kutoka suluhu magoli 2-2 katika kipindi cha dakika tisini, kwenye mchezo mzuri na wa kuvutia kwa timu zote na hivyo kuifanya Simba kuibuka mabingwa wa kombe hilo.(Picha na Fullshangwe Blog).

Mabingwa wa Tanzania Bara klabu ya Simba SC imeibuka bingwa wa kombe la Urafiki (ujirani mwema) baada ya kuifunga timu ngumu ya Azam FC kwa bao 4 – 3 kwa njia ya mikwaju ya penati.
Mchezo huo katika uwanja wa Taifa jijini Dar es salaam ulikuwa wa vuta nikuvute ambapo hadi timu hizo zinakwenda mapumziko mabao yalikuwa ni 1-1, ambapo kwa upande wa Simba goli lilifungwa na Felix Sunzu na Khamis Mcha aliisawazishia Azam FC.
Kipindi cha pili kilianza kwa timu hizo kushambuliana ambapo mchezaji John Boko aliipatia Azam FC goli la pili kabla ya ksawazishwa na kiungo bora wa Simba Mwinyi Kazimoto.
Baada ya mechi hiyo kumalizika timu hizo zikiwa sare ya bao 2-2 ndipo ilipotumika mikwaju ya penati kuamua nani atakuwa bingwa wa Kombe la Urafiki, ambapo Simba ilitawazwa kuwa bingwa kwa kupata penati 4 dhidi ya 3 za Azam.

source:/dewjiblog.

Picha 26 za Pambano dhidi ya Bongo Movies na Bongo Fleva

Leave a comment


This slideshow requires JavaScript.

Mamia kwa maelfu ya wakazi wa jiji la Dar-Es-Salaam na vitongoji vyake walifurika katika uwanja mkuu wa taifa kushuhudia tamasha la burudani mbali mbali za kimuziki, Ndondi pamoja na mpira wa miguu uliohusisha wabunge wa Jamhuri Ya Muungano wa Tanzania wanaoshabikia timu za Yanga na Simba, Bongo Flava dhidi ya Bongo Muvi, mpambano wa Wema na Jackline Wolper na mwisho kabisa Ngumi kati ya bondia Japhet Kaseba na Francis Cheka.
Tamasha hilo lililoandaliwa kwa pamoja baina ya Kampuni ya Global Publishers kupitia kitengo chake cha Burudani kwa kutumia platform yao ya ukumbi wa burudani Dar Live, pamoja na mfuko wa elimu na kulipa jina tukio hilo kuwa la Tamasha La Matumaini lilikuwa mahususi kuchangia mfuko wa elimu kwa wasichana katika ujenzi wa mabweni katika shule ya Kongwa mkoani Dodoma…
Watu wa marika mbali mbali walihudhuria tamasha hilo ambalo lilianza rasmi majira ya saa tisa kamili ambapo timu ya Bongo Fleva ilipambana na timu ya Bongo Muvi na timu ya Bongo Fleva kuondoka na ushindi wa goli moja dhidi ya Bongo Fleva katika pambano lililokuwa la kuvutia na vituko pamoja na vibweka kibao. Alikuwa… ambaye aliwainua mashabiki wa Bongo Muvi baada ya kufunga goli katika dakika ya 64 ya kipindi cha pili.
Mastaa kama Claude 112, Steve Nyerere, Abdul Kiba, H baba, TID, Inspector Harun, Vincent Ray kigosi na wengineo walitoa burudani ya kutosha kwa kucheza mpira uliofurahisha na kusisimua wengi. Aidha burudani kubwa ilikuwa baada ya kipyenga cha refa Othman kazi kupulizwa kuashiria mechi imeisha ambapo wachezaji wa Bongo muvi walikwenda kushangilia ushindi kwa mashabiki wao huku wakicheza kwaito na steve Nyerere kuvua jezi yake na kuonyesha maandishi ya “why Always Me? ”. kitendo kilichofanya wamfananishe na Balotelli

sourcebongo5

Picha na Matukio yaliyojiri kwenye Tamasha la Matumaini

Leave a comment


Jose Chameleone akitoa burudani.

Jose Chameleone akitoa burudani.

Wabunge mashabiki wa Simba wakishangilia ushindi dhidi ya watani wao wa Yanga.

Nyomi iliyohudhuria tamasha hilo.

Wema na Wolper wakionyeshana ubabe.

Bondia Mchumia Tumbo akimzimisha mpinzani wake.

Jamaa aliyemvaa Wema.

JULAI 7, 2012 Jiji la Dar lilisimama kwa takribani saa 16 kupisha tamasha la kihistoria la Usiku wa Matumaini lililotimua vumbi ndani ya Uwanja wa Taifa, Ijumaa Wikienda linakupa ripoti kamili.
Zilikuwa ni saa 16 za hekaheka, vifijo, nderemo, shangwe na burudani ya hali ya juu kuanzia saa mbili za asubuhi mpaka saa sita za usiku, Jumamosi iliyopita ambapo macho na masikio ya wengi viliekezwa uwanjani hapo.
SHUGHULI ILIVYOANZA
Mpango mzima ulianza majira ya saa mbili asubuhi ambapo wasanii chipukizi walifungua pazia la burudani kwa kuwarusha mashabiki waliokuwa wanaendelea kufurika uwanjani hapo.
Wakati hayo yakiendelea, walinzi na wakata tiketi walikuwa na wakati mgumu kuuhudumia umati wa watu uliokuwa umejazana nje ya lango la kuingilia uwanjani hapo huku Bendi ya FM Academia wakiwa wa kwanza kulianzisha kwa kutoa burudanai ya nguvu.
UPAKO WATAWALA
Baada ya wasanii chipukizi kumaliza kutoa burudani, ilifika zamu ya wasanii wa nyimbo za injili ambapo wakali wa muziki huo wakiongozwa na Upendo Nkone, Bahati Bukuku, Bonny Mwaitege, Martha Mwaipaja na Glorious Celebration waliitangaza vyema injili takatifu kwa kupitia karama ya uimbaji. Wakafuatia wasanii chipukizi wanaochana mistari.
BONGO MOVIES VS BONGO FLEVA
Mvua ya burudani iliendelea kunyesha ndani ya uwanja huo ambapo baada ya pilikapilika za mchana kutwa, hatimaye uliwadia wasaa uliokuwa unasubiriwa na wengi.
Wasanii wa kambi mbili hasimu, Bongo Movie inayoundwa na wasanii wa filamu na maigizo ya Kibongo na Bongo Fleva inayoundwa na wasanii wa muziki wa kizazi kipya, walijitupa dimbani katika mchezo uliovuta hisia za wengi.
Wasanii Jacob Steven ‘JB’, Vincent Kigosi ‘Ray’, Steven Mengere ‘Steve Nyerere’ na wengine wengi walikuwa kivutio kikubwa kwa upande wa Bongo Movie huku wasanii Hamis Baba ‘Baba’, Haroun Kahena ‘Inspekta’, Karama Masoud na wengine kibao wakisakata kabumbu la hali ya juu.
Mpaka kipyenga cha mwisho kinapulizwa, Timu ya Bongo Movie iliibuka kidedea kwa kuinyuka Bongo Fleva goli 1-0, lililofungwa na msanii anayejulikana kwa jina moja la Kiduku. Benchi la ufundi la Bongo Movie, likiongozwa na Fatuma Makongoro ‘Bi Mwenda’ lililipuka kwa shangwe wakati kipyenga cha mwisho kikipulizwa.
POLISI WA KIKOSI CHA MBWA WAWAKOSHA MASHABIKI
Baada ya mechi kati ya wasanii wa filamu na wale wa muziki kumalizika, polisi wa kikosi cha mbwa na farasi waliingia uwanjani na kuonesha namna mbwa walivyofuzu katika kukabiliana na uhalifu.
Wakaonesha wanavyoweza kukamata madawa ya kulevya na mabomu. Uwanja mzima ukalipuka kutokana na mashabiki kukoshwa na umahiri wa mbwa hao wanaotunzwa na jeshi la polisi nchini.
WAHESHIMIWA WABUNGE WATOANA JASHO
Wabunge wa Bunge la Jamhuri ya Muungano wa Tanzania wanaozishabikia timu za Simba na Yanga, nao walijitupa dimbani kucheza mchezo ambao ulikuwa maalum kuhamasisha uchangiaji wa fedha za kujengea mabweni katika shule za sekondari zilizopo vijijini, chini ya Mamlaka ya Elimu Tanzania.
Wabunge Idd Azzan, Zitto Kabwe, Joshua Nasari na wengine wengi waliiongoza timu ya Wabunge wa Simba kukanyaga kandanda safi, huku Mwingulu Nchemba na wenzake wakipiga soka safi upande wa Wabunge wa Yanga.
Mpaka mwamuzi Othman Kazi anapuliza kipyenga cha mwisho, matokeo yalikuwa ni suluhu (0-0).
Mikwaju ya penalti ilipopigwa, Timu wa Wabunge wa Simba iliibuka kidedea kwa kufunga matuta 3-2, shukrani kwa mikwaju ya waheshimiwa Yona Kimube, Amos Makalla na Kikula Abel. Waliokwamisha mpira wavuni kwa upande wa timu ya Yanga ni waheshimiwa Michael Kadege na Sadigo Juma.
NENO LA SHIGONGO, NAPE, ZITTO
Mkurugenzi Mtendaji wa Kampuni ya Global Publishers, waandaaji wa tamasha hilo, Eric Shigongo alipanda jukwaani na kutoa nasaha zake kwa dakika kadhaa, aliwasihi Watanzania kurejesha mapenzi kwa nchi yao na kufufua matumaini mapya ya mafanikio.
Naye Katibu wa CCM, Itikadi na Uenezi, Nape Nnauye aliwashukuru wote waliohudhuria tamasha hilo na kueleza kuwa wameshiriki katika mkakati wa kuchangia ujenzi wa mabweni. Kwa upande wake, Mbunge wa Kigoma Kaskazini, Zitto Kabwe naye aliwashukuru wote kwa kushiriki kwenye kampeni ya kuzisaidia shule za vijijini kupata mabweni, burudani ikaendelea.
ZAMU YA MUZIKI WA KIZAZI KIPYA
Baada ya mapambano hayo ya soka, burudani iliendelea ambapo Juma Kassim Kiroboto ‘Nature’ aliwaamsha mashabiki vitini, akafuatiwa na kundi la muziki la Pah One linalofanya muziki pande za Bondeni (Afrika Kusini). Burudani ikaendelea kwa wasanii wengine kama Rashid Makwilo ‘Chid Benz’ kupanda na kupafomu kwa kiwango cha juu.
WEMA VS WOLPER, NGOMA DROO
Warembo waliolikamata soko la filamu za Kibongo, Jacqueline Wolper na Wema Sepetu nao walitia fora kwa pambano lao kali la masumbwi. Pambano hilo la raundi tatu ambalo lilitarajiwa kumaliza bifu la siku nyingi kati ya wanyange hao, lilitanguliwa na pambano kati ya Kanda Kabongo na Ramadhan Kido, lililomalizika kwa Kabongo kushinda kwa pointi. Mpaka pambano la Wema na Wolper linamalizika kwa droo, uwanja mzima ulikuwa ukishangilia kwa nguvu.
Katika tukio lingine lililowashangaza wengi, baada ya Wema kumaliza pambano, shabiki mmoja ambaye hakufahamika alikotokea, alimvamia msanii huyo akiwa anateremka ulingoni na kumkumbatia kwa nguvu lakini kabla hajamdhuru msanii huyo, polisi walimdaka juujuu na kumshushia kichapo cha haja kabla ya kutolewa nje mzobemzobe.
CHAMELEONE AACHA GUMZO NA VALUVALU
Baada ya mapambano ya ndondi, msanii mkali kutoka nchini Uganda, Joseph Mayanja ‘Chameleone’ aliingia kwa staili yake uwanjani hapo ambapo umati wote ulilipuka kwa shangwe za nguvu wakati msanii huyo akikamua wimbo wake unaobamba kwa sasa, Valuvalu na nyingine nyingi. Mpaka msanii huyo anamaliza shoo, kila mtu alikuwa amesuuzika moyo vilivyo kutokana na burudani ya nguvu aliyoiangusha.
DIAMOND KAMA KAWAIDA YAKE
Yote tisa, kumi ni shoo ya msanii anayeshikilia tuzo tatu za Kili, Naseeb Abdul ‘Diamond’ ambaye baada ya Chameleone kumaliza shoo, aliingia kwa mbwembwe za hali ya juu.
Wacheza shoo wake waliingia na njiwa weupe ambao waliwaachia uwanjani hapo kabla ya kuanza makamuzi. Diamond aliendeleza makamuzi ya nguvu na kuwadatisha vilivyo maelfu ya mashabiki waliofurika ukumbini humo.
Mpaka inatimu saa sita za usiku, kila aliyehudhuria uwanjani hapo alikuwa ametosheka kwa kiwango kikubwa na burudani ya nguvu iliyoangushwa uwanjani hapo kuanzia saa mbili za asubuhi.

source:globalpublishers

Je wamjua aliye Nyuma ya Mafanikio ya Diamond??

Leave a comment


Diamond akiwa stajini

Diamond akiperform

Diamond na Masela wake

Hapa ndo palipofanyika Miss Reds arusha Mt. Meru Hotel

Ruge akimpa maelekezo Diamond Kuhusu Drums

Ruge akimfundisha jinsi ya kuplay Kinanda

Ulishajiuliza kwanini Diamond yuko smart sana kwa namna anavyozipeleka issue zake za muziki? Hushangai iweje msaniii huyu ambaye wengi walitegemea awe na elimu ya chuo kikuu ndio aweze kuufanya muziki kwa umaridadi mkubwa kiasi cha kutochuja kwa show zake japo zinajipanga kama mayai kwenye tray!
Well, wengi hili wanaweza kuwa wanalijua juu juu tu ama hawalijui kabisa kuwa the person behind Diamond’s music creativity is none other than Ruge Mutahaba!!
Yeah, habari ndio hiyo, hate it or love it.
Tangu show ya aina yake ya Diamonds Are Forever iliyowapa mkwanja mnene wa kuweka benki na kula bata, show ya Dar Live iliyompa sifa Diamond kwa kutua kwenye ‘Uwanja huo wa taifa wa burudani mpaka show ya Big Brother Stargame aliyoifanya mwaka huu. He (Ruge) was the mastermind!
Ameweza kumtengeneza Diamond kuwa bidhaa ya thamani isiyochuja.Hautakosea ukimwita Russell Simmons wa Tanzania. Kwa uzoefu alionao kupitia show zinazoandaliwa na kituo cha Clouds Fm, ameweza kuzijua ramani zote za kupitia ili kufanikiwa ‘kibiashara’ kwenye muziki wa Tanzania. He has the music map in the palm of his hands and never missed a shot!
Kuna mtu mmoja wa karibu sana na Diamond hivi karibuni ametuambia kuwa maandalizi ya show ya ‘Diamonds Are Forever ya pale Mlimani City yalichukua takribani wiki nzima. Ruge alikuwa akienda kila siku kuangalia maendeleo ya rehearsal and he was like, “mmh mmh! Hapo bado,ongezeni nguvu zaidi.”
Kwenye show ya hivi karibuni ya Miss Redds Tanzania huko Arusha, Ruge alionekana kwenye picha akimwelekeza Diamond namna ya kupiga kinanda na ngoma. Haijalishi kama anajua kupiga hivyo vitu ama la,hilo si suala letu, cha msingi ni kuwa ushauri wake unafanya kazi kwa Diamond.
And tell you what, hakuna mtu mwenye connection ya masuala ya muziki iwe ndani ya nchi ama nje kama Ruge! Hivyo kuchuja kwa Diamond katika ramani ya muziki wa kibiashara bado sana.

source:bongo5

Wezi wamfanyia kitu mbaya MwanaFA

Leave a comment


“Next time nikikuta watu wanapiga mwizi na mtu akanizuia nisishiriki ntaanza na yeye kwanza” ni tweet ya jana ya Hamisi Mwinjuma aka MwanaFA iliyokuwa imeambatanishwa na picha ya gari lake lenye namba T 809 PMB ikiwa imenyofolewa taa zote za mbele na nyuma.

Wizi huo umefanyika usiku wa kuamkia jana na inavyoekena ni kuwa wezi walipanda na kuvuka geti kimya kimya, kwa raha zao wakanyofoa taa na kuingia ndani kuchukua radio.

Ile MwanaFA kuamka asubuhi ndo akakuta tayari wajanja wameshamliza kiasi cha kuamua kutangaza vita na wezi. Hivyo kama ukikuta MwanaFA anashiriki kumponda ‘vitofa’ mwizi aliyekamatwa street baada ya kuiba, kamwe usishangae, usimuulize na usimzuie sababu ataanza na wewe! Pole sana Binamu!

Hata hivyo wezi hao hawaikuiharibu ratiba ya usiku wa kuamkia leo ya Binamu. Ratiba yake ilianzia pale the so-called ‘Uwanja wa taifa wa burudani’ Dar Live ambapo aliperform ngoma yake mpya Ameen kwa mara ya kwanza.

Baada ya Dar Live show ikahamia Maisha Club, “Dar Live Done..Beautiful..Maishani Sasa Kwa Ndege Mnana,” alitweet.

Huko New Maisha Club alienda kumpa support mwanadada Linah Sanga aliyekuwa akifanya show yake ya kwanza tangu arudi kutoka kwenye ziara ndefu ya nchini Marekani. “What a show..Maisha I Loooooooooved you tonite!” aliandika alfajiri hii.

source:bongo5

Older Entries

%d bloggers like this: